അദ്ദിക്ർ

വിശ്വാസികളായ പുരുഷന്മാര്‍ക്കും സ്ത്രീകള്‍ക്കും മാതൃകയായി മര്‍യമിനെ എടു ത്തുദ്ധരിച്ചുകൊണ്ട് 66: 12 ല്‍ അല്ലാഹു പറയുന്നു. തന്‍റെ ഗുഹ്യസ്ഥാനം കാത്തുസൂക്ഷിച്ച ഇംറാന്‍റെ പുത്രി മര്‍യമും, അപ്പോള്‍ നാം അതില്‍ നമ്മുടെ റൂഹില്‍ നിന്ന് ആവാഹിപ്പി ച്ചു, അവള്‍ തന്‍റെ നാഥന്‍റെ വചനങ്ങളും ഗ്രന്ഥങ്ങളും സത്യപ്പെടുത്തിയവളും വണങ്ങുന്നവരില്‍ പെട്ടവളുമായിരുന്നു. ഇവിടെ വചനങ്ങളും ഗ്രന്ഥങ്ങളും എന്ന് പറഞ്ഞതിലെ വചനം 4: 171 ല്‍ പറഞ്ഞ വചനവും ഗ്രന്ഥങ്ങള്‍ 4: 136 ല്‍ വിവരിച്ചിട്ടുള്ള ഗ്രന്ഥവുമാണ്. എല്ലാ മനുഷ്യര്‍ക്കും അവരവരുടെ പിതാക്കളുടെ മുതുകിലുള്ള ആത്മാവ് മലക്കുകള്‍ മുഖേന എടുപ്പിച്ച് മാതാവിന്‍റെ ഗര്‍ഭപാത്രത്തില്‍ നാല് മാസം പിന്നിട്ട ഭ്രൂണത്തില്‍ ആവാഹിപ്പി ക്കുകയാണ് ചെയ്യുന്നത്. 4: 1 വിശദീകരണം നോക്കുക.